Fréttir

Janúar, nýtt ár og allir stefna á að ná ákveðnum markmiðum, afrekum og breytingum. Svokölluðum áramótaheitum. Fólk reynir að byrja á byrjunarreit og bæta sig til að taka afgerandi breytingum sem eiga það til að fjara út og áður en fyrsti mánuðurinn er liðinn. Þessi grein fjallar um aðferðir til að standa við árámótaheitin og hvernig þú setur raunsæ markmið á nýju ári, til að tryggja árangur og viðurværi, sama hver markmiðin eru.

Hvers vegna strengjum við áramótaheit?

Desember á það til að framkalla ákveðið hugarástand, sérstaklega í lok mánaðarins. Þegar við brotlendum eftir að fljúga hátt um hátíðarnar sjáum við eftir takmarkalausri neyslu mánaðarins og jafnvel hluta sem vantaði eða gengu ekki upp á árinu. Neikvætt viðhorf þegar við lítum til baka veldur óþægingum sem veldur því að okkur langi að breyta til þegar við hugsum um leiðir til að bæta lífið og byrja á byrjunarreit í janúar. Þar koma áramótaheitin til sögunnar!

Áramótaheit er markmið sem þú lofar sjálfum þér að ná til þess að bæta líf þitt á árinu sem er framundan. Yfirleitt fela þau í sér að breyta gömlum vönum og venjum, bæta einhverju við og taka annað upp, þér og öðrum til góðs. Við strengjum áramótaheit af því nýtt ár er nokkurs konar nýtt upphaf, hreinn skjöldur og í rauninni handahófskenndur byrjunarreytur fyrir allar stórar breytingar. Við segjum okkur sjálfum að við getum hvað sem er, áorkað hverju sem er og að þetta verði árið okkar. En það er ástæða fyrir því að færri en 10% allra áramótaheita standast og það er af því flest áramótaheit eru dæmd til að valda vonbrigðum.

Hvers vegna mistakast flest áramótaheit?

Sem einstaklingar erum við forrituð til að hata breytingar, sama hve umfangsmiklar þær eru. Við búum í okkar heimi og bregðumst við umhverfinu á okkar eigin hátt og viðbrögðin eru okkur kunnugleg og þægileg. Breytingar eru í grunninn óþægilegar og eru því svo erfiðar. Það sem verra er, þeim mun umfangsmeiri sem breytingarnar eru því óþægilegri eru þær og því erfiðara verður það að gera breytinguna að eðlilegri hegðun.

Við strengjum líka of mörg óljós og stórtæk heit. Munið eftir eftirsjánni sem ég minntist á? Hún veldur því að við gerum langan lista af breytingum sem við verðum að gera til að bæta lífið og þær þurfa allar að gerast strax. Nú til dags, þegar stundaránægja skiptir öllu, getur fólki gengið vel að halda heitin og ná markmiðum í nokkrar vikur eða jafnvel mánuð en það fjarar að lokum út þegar fólk áttar sig á því að ómögulegt er að viðhalda og venjast nýju hegðuninni. Með því að gera of miklar breytingar of snögglega og mistakast, verður fólk fyrir vonbrigðum og eftirsjáin snýr aftur. Það er ansi óheilbrigt, ekki satt?

Svona strengir þú áramótaheit sem endast:

Þetta er stutta svarið, ekki strengja heit. Taktu skref í átt að einu heiti. Áður kom fram að þessi gein fjallaði um að strengja áramótaheit sem endast en ég legg til að þú breytir viðhorfi þínu til þeirra. Líttu svo á að heitið sé hvati að stöðugum framförum. Eins og hvað þyngdartap varðar eru smáar og hægar breytingar heilbrigðar og stöðugar framfarir. Þegar þú sest niður til að strengja heit, hugsaðu um þá breytingu sem myndi hafa mest jákvæð áhrif á lífið og gerðu svo lista af litlum markmiðum sem þú gætir náð á árinu til að áorka lokamarkmiðinu fyrir næstu áramót.

Gerðu það sem þú getur til að árið verði þér gott og forðastu að falla í áramótaheitagildruna.